நீங்கள் தேடியது "சீனா ஓபன் பேட்மிண்டன்"

சீனா ஓபன் பேட்மிண்டன் தொடரில் பெண்களுக்கான ஒற்றையர் பிரிவு காலிறுதி ஒன்றில் இந்தியாவின் முன்னணி வீராங்கனையான பிவி சிந்து சீனாவின் ஹி பிங்ஜியாவோ-வை எதிர்கொண்டார். இதில் பிவி சிந்து 17-21, 21-17, 15-21 எனத் தோல்வியடைந்து தொடரில் இருந்து வெளியேறினார்.

முதல் செட்டில் 8-3 என முன்னிலையில் இருந்து பிவி சிந்து பின்னர் 17-21 என முதல் செட்டை இழந்தார். 2-வது செட்டை சிறப்பாக விளையாடி 21-17 எனக் கைப்பற்றிய போதிலும், வெற்றிக்கான 3-வது செட்டில் 15-21 என வீழ்ந்தார்.

சீனா ஓபன் பேட்மிண்டன் காலிறுதிக்கு முந்தைய சுற்றில் பிவி சிந்து தாய்லாந்தின் புஸனன் ஒங்பாம்ரங்பனை எதிர்கொண்டார். இதில் பிவி சிந்து 21-12, 21-15 என நேர்செட் கணக்கில் வெற்றி பெற்று காலிறுதிக்கு முன்னேறினார். பிவி சிந்து காலிறுதியில் ஹெ பிங்ஜியாவோ-வை எதிர்கொள்கிறார். பிவி சிந்து அவரை எதிர்த்து விளையாடிய ஆட்டத்தில் தோல்வியை சந்தித்துள்ளார்.

ஸ்ரீகாந்த் கிதாம்பி டாமி சுகியார்ட்டோவை எதிர்கொண்டார். முதல் செட்டை 10-21 என ஸ்ரீகாந்த் கிதாம்பி இழந்தார். பின்னர் சுதாரித்துக் கொண்ட ஸ்ரீகாந்த் 2-வது செட்டை 21-9 எனவும், 3-வது செட்டை 21-9 எனவும் கைப்பற்றி காலிறுதிக்கு முன்னேறினார். ஸ்ரீகாந்த் கிதாம்பி காலிறுதியில் சீன தைபே-யின் சோயு தியென் சென்-ஐ எதிர்த்து விளையாடுகிறார்.

சீனா ஓபன் பேட்மிண்டனில் இந்திய வீரர் ஸ்ரீகாந்த் கிதாம்பி முதல் சுற்றில் பிரான்ஸின் லூகாஸ் கார்வீயை எதிர்கொண்டார். இதில் ஸ்ரீகாந்த் கிதாம்பி 21-12, 21-16 என நேர்செட் கணக்கில் வெற்றி பெற்று காலிறுதிக்கு முந்தைய சுற்றுக்கு முன்னேறினார். இதில் இந்தோனேசியாவின் டாமி சுகியார்ட்டோவை எதிர்கொள்கிறார்.

மற்றொரு ஆட்டத்தில் பிரணோய் 11-21, 14-21 என இந்தோனேசிய வீரரிடம் தோல்வியடைந்து வெளியேறினார். இளம் வீராங்கனையான வைஷ்ணவி ரெட்டியும் தோல்வியடைந்தார்.

சீனா ஓபன் பேட்மிண்டன் தொடரில் பெண்களுக்கான காலிறுதி ஆட்டம் ஒன்றில் இந்தியாவின் முன்னணி வீராங்கனையான பிவி சிந்து சீனாவின் சென் யுஃபெய்-ஐ எதிர்கொண்டார்.

முதல் செட்டில் சீன வீராங்கனை சென் யுஃபெய் சிறப்பாக விளையாட 11-5 என முன்னிலைப் பெற்றார். அதன்பின் பிசி சிந்துவால் முன்னேற இயலவில்லை. 7-14, 7-16, 10-16 என வந்து பின்னர் 11-21 என முதல் செட்டை இழந்தார்.

முதல் செட்டை இழந்த பிவி சிந்து 2-வது செட்டில் அபாரமான ஆட்டத்தை வெளிப்படுத்தினார். 4-1 என முன்னிலைப் பெற்றார். அதன்பின் 6-2 என முன்னிலைப் பெற்றார். அதன்பின் இடைவெளி 7-6 எனக் குறைந்தது. முதல் பாதியில் 11-8 என சிந்து முன்னிலை பெற்றார். அதன்பின் 17-11 என முன்னிலைப் பெற்று 21-11 என 2-வது செட்டை கைப்பற்றினார்.



வெற்றியை தீர்மானிக்கும் 3-வது செட்டில் பிவி சிந்து 4-3 என முன்னிலையில் இருந்தார். அதன்பின் சென் 9-7 என முன்னிலைப் பெற்றார். முதல் பாதியில் 8-11 என பிவி சிந்து பின்தங்கினார். 16-12 என முன்னிலைப் பெற்று பின்னர் 21-15 என 3-வது செட்டை கைப்பற்றி பிவி சிந்துவை தோற்கடித்து அரையிறுதிக்கு முன்னேறினார் சீன வீராங்கனை சென் யுஃபெய்.

சீனா ஓபன் பேட்மிண்டனில் காலிறுதிக்கு முந்தைய சுற்றில் இந்தியாவின் முன்னணி வீரரான ஸ்ரீகாந்த் கிதாம்பி தாய்லாந்தின் சுபன்யு அவிகிங்சனனை எதிர்கொண்டார். முதல் செட்டை ஸ்ரீகாந்த் கிதாம்பி 21-12 எனவும், 2-வது செட்டை சுபன்யு 21-15 எனவும் கைப்பற்றினார்.



வெற்றிக்கான 3-வது செட்டில் இருவரும் மாறிமாறி புள்ளிகள் பெற்றனர். இறுதியில் ஸ்ரீகாந்த் கிதாம்பி 24-22 என வெற்றி பெற்று காலிறுதிக்கு முன்னேறினார். காலிறுதியில் முன்னணி வீரரான கென்டோ மொமோட்டாவை எதிர்கொள்கிறார். பெண்களுக்கான ஒற்றையர் பிரிவில் பிவி சிந்து ஏற்கனவே காலிறுதிக்கு முன்னேறியுள்ளார் என்பது குறிப்பிடத்தக்கது.

சீனா ஓபன் பேட்மிண்டனில் இந்திய வீராங்கனை பிவி சிந்து காலிறுதிக்கு முந்தைய சுற்றில் தாய்லாந்தின் பூசனன் ஒங்பம்ரங்பனை எதிர்கொண்டார்.

முதல் சுற்றில் இருவரும் ஒருவருக்கொருவர் விட்டுக்கொடுக்காமல் விளையாடினார்கள். இதனால் மாறிமாறி புள்ளிகள் பெற்றனர். இறுதியில் தாய்லாந்து வீராங்கனை 23-21 என முதல் செட்டை கைப்பற்றினார். பின்னர் சுதாரித்துக் கொண்ட பிவி சிந்து 21-13 என 2-வது செட்டை எளிதில் கைப்பற்றினார்.



வெற்றியை தீர்மானிக்கும் 3-வது செட்டில் தாய்லாந்து வீராங்கனை பிவி சிந்துவிற்கு கடும் நெருக்கடி கொடுத்தார். என்றாலும் பிவி சிந்து 21-18 என கைப்பற்றி காலிறுதிக்கு முன்னேறினார்.

சீனா ஓபன் பேட்மிண்டன் தொடர் சீனாவில் நடைபெற்று வருகிறது. இதில் ஆண்களுக்கான ஒற்றையர் பிரிவில் இந்தியாவின் கிடாம்பி ஸ்ரீகாந்தும், டென்மார்க் நாட்டை சேர்ந்த ராஸ்மஸ் கெம்கியும் இன்று மோதினர்.

ஆட்டத்தின் தொடக்கம் முதலே ஸ்ரீகாந்த் சிறப்பாக விளையாடினார். இதையடுத்து, 21-9 என்ற கணக்கில் முதல் சுற்றை கைப்பற்றினார்.

இதையடுத்து இரண்டாவது சுற்றில் டென்மார்க் வீரர் கெம்கி கடும் நெருக்கடி கொடுத்தார். ஆனால் கிடாம்பி ஸ்ரீகாந்த் பொறுப்புடன் விளையாடி 21-19 என்ற கணக்கில் இரண்டாவது சுற்றையும் கைப்பற்றி அசத்தினார்.

இறுதியில், 21-9, 21-19 என்ற நேர் செட்களில் வென்ற கிடாம்பி ஸ்ரீகாந்த், காலிறுதிக்கு முந்தைய சுற்றுக்குள் நுழைந்தார்.  

மற்றொரு போட்டியில், இந்திய வீரர் எச்.எஸ்.பிரனாய் ஹாங் காங் வீரர் லாங் அங்கசிடம் 21-16, 21-12 என்ற நேர் செட்களில் தோல்வியடைந்தார். #ChinaOpen2018 #KidambiSrikanth

ஜப்பான் ஒபன் பேட்மிண்டன் தொடர் கடந்த வாரம் நடைபெற்றது. இதில் இந்திய வீரர்கள் மற்றும் வீராங்கனைகள் பெரிய அளவில் ஜொலிக்கவில்லை. இந்நிலையில் சீனா ஓபன் பேட்மிண்டன் நடைபெற்று வருகிறது.

இதில பிவி சிந்து, சாய்னா நேவால் கலந்து கொண்டார்கள். சாய்னா நேவால் முதல் சுற்றில் கொரியாவின் சங் ஜி ஹியூனை எதிர்கொண்டார். இதில் சாய்னா 22-20, 8-21, 14-21 என அதிர்ச்சி தோல்வியடைந்தார்.


பிவி சிந்து

மற்றொரு ஆட்டத்தில் 3-ம் நிலை வீராங்கனையான பிவி சிந்து ஜப்பானின் சயேனா கவாகாமியை எதிர்கொண்டார். இதில் பிவி சிந்து 21-15, 21-13 என நேர்செட் கணக்கில் வெற்றி பெற்று 2-வது சுற்றுக்கு முன்னேறினார்.

ஆண்களுக்கான இரட்டையர் பிரிவில் மானு ஆத்ரி - பி சுமீத் ரெட்டி சீன தைபே ஜோடியிடம் 21-13, 13-12, 12-21 என தோல்வியடைந்தது.